தேடி வந்த சாவி!

வழக்கம் போல அன்றும் வீட்டினை பூட்டிகொண்டு அலுவலகம் செல்லும் முன் காலணியை அணிகையில் எனது சாவி கொத்தினை அங்கேயே தவற விட்டு விட்டேன். அலுவலக வாயிலை அடைந்துவிட்டேன்.என் கைத்தொலை பேசிக்கு ஓர் குறுஞ்செய்தி வந்து சேர்ந்தது."உங்களுடைய சாவியை எங்கேனும் தவற விட்டீர்களா"
உடனே எனது பேண்ட் பாக்கெட்டையும் தோல்பையயும் துழாவினேன். சாவி கொத்தினை காணவில்லை.
செய்தி சுமந்து வந்த எண் எனக்கு அறிமுகம் ஆகாத எண். என் வீட்டிற்கு மேல் வீட்டில் வசிக்கும் தன் நண்பரை பார்க்க வந்த அந்த சீன இளைஞர் என் சாவி கொத்தை பார்த்து விட்டு எனக்கு தகவல் கொடுத்துள்ளார்.பின் குறிப்பிட்ட பேருந்து நிலையத்தில் காத்து இருப்பதாக சொன்னார்.
அவருக்கு நன்றியினை தெரிவித்து சாவிகொத்தினை பெற்றுகொன்டேன்.
எப்போதும் அலுவலகத்துக்கு கொஞ்சம் முன்கூட்டியே செல்வேன்.எனவே அலுவலக சாவி என்னிடம் தான் இருக்கும். நல்லவேளையாக நான் யாரையும் காக்க வைக்க வில்லை. எப்படியோ என்னுடைய சாவி என்னிடமே வந்து விட்டது. ( நல்ல காலம் என்னுடைய பெயரும் கைதொலைபேசி எண்ணும் பொறித்த பிளாஸ்டிக் பட்டையை சாவி கொத்துடன் இணைத்து இருந்தேன்)